EKINTZAK

Ø  EGOITZAN LANTZEN DITUGUN EKINTZAK

Gure egoitzan bertan ekintza desberdinak egiten ditugu. Hauek publiko ezberdinei zuzenduta daude eta astero aurrera eramaten ditugu. Dinamiken bidez gizarte eskubideak ezagutzea, eztabaidatzea, urraketen kontra egitea… bilatzen dugu.

Ekintza guztiak ez jartzearren, hurrengo hauek dira gehien gauzatzen ditugunak:  

Ø      Alfonbra hegalariak

Ø      Alegiazko herrialdea

Ø      Izarren bi aulkiak

Ø      Hitler eta Gandhi

Ø      Giza eskubideak landu

Ø      Jabetza eskubidea

Ø      Bizitza politikoan parte hartzeko eskubidea

Ø      Milurtekoaren parkearen eztanda

Ø      Espainiar Konstituzioa eta Giza Eskubideen Aldarrikapen Unibertsala

Ø  FACEBOOK ETA TWITTER-EN PRESENTE EGON
           

Gaur egun hain ospetsuak diren sare sozialak, mundu osoan zehar gure elkartea ezagutzera emateko tresna paregabeak dira, edozein tokiko pertsona batek ikus ditzake eta. Hori dela eta, horietan tokia izateko ahalegina eginez, GOAZEN BA! Elkarteak munduan barrena ezaguna izateko aukera izango du. Modu honetan, giza eskubideak eraginkorragoak izateko presioa egingo duten jarraitzaile gehiago lor ditzakegu.  

Hau lortzeko, Facebook zein Twitter-en kontu bana irekita daukagu. Hauetan, maiz giza eskubideekin erlazioa daukaten argazkiak, bideoak, iruzkinak… igo ohi ditugu. Gainera, hilabetero gure sare sozialetan parte hartzen duten pertsonen artean zozketak egiten ditugu, hala nola, MP4-ak, liburuak, etab. Horrela, sarien bitartez, jadanik gure sare sozialen jarraitzaileak diren pertsonak mantendu eta berriak lortzen ditugu.

Ondorengoak dira bi sare sozial hauetan dauzkagun helbideak:

Ø      www.facebook.com/pages/Goazen-ba-Elkartea/330335867014824

Ø      twitter.com/#!/GoazenbaElkarte

Ø  ANTZERKIA

Gure helburuetako bat giza eskubideen gaia ikastetxeetan helaraztea da, hau da, haurrek eskubide hauen garrantziaz eta egun egiten diren urraketen inguruan kontzientzia har dezatela lortu nahi dugu.

Horretarako, ikastetxeetarako antzerki bat prestatu dugu. Modu honetan, antzerki honek giza eskubideen gaia hartuko du gai nagusitzat eta pertsona guztien arteko elkartasuna eta berdintasuna transmititu nahi dira balore gisa. Gainera, bizitzako aspektu guztietan, guztion integrazioa eta askatasuna zabaltzea bilatzen da. Antzerkia Aiara Antzerki Taldearen eskutik joango da eta 45 minutuko iraupena izango du.

Txikitatik giza eskubideak transmitituta, umeek eskubide hauen garrantziaz jabetuko dira. Hori dela eta, oinarrizkotzat jotzen dugu, umeak gure publiko objektiboetako bat izatea. Antzerki bat egitea irtenbide egokia ikusten dugu; alde batetik, umeak hezitzeko eta beste alde batetik, giza eskubideekin lehenengo kontaktua izateko eta honen garrantziaz jabetzen joateko.

Ekintza honen bidez, hezkuntza arloko publikoa bereganatuko dugu, haurrak zein irakasleak. Esan bezala, haurrak ekintza honen publiko printzipala eta garrantzitsuena izango dira. Bestetik, irakasleak ditugu, hauek ere antzerkiak ikusiko dituzte, nahiz eta antzerkia zuzenean beraientzat zuzenduta ez egon.

           Antzerkiak maiatzaren 21,22,23 eta 24an gauzatuko dira, Bizkaiko hainbat ikastetxetan.

Ø  HAURRENTZAKO MARRAZKI LEHIAKETA

Aurreko bi urteetan bezala, aurten ere giza eskubideen marrazki lehiaketa antolatu dugu. Hirugarren lehiaketa honetako oinarriak ondorengoak dira:

Ø      Lanak aurkezteko epea

o       Ekainaren 15a, 17:00ak arte GOAZEN BA! Elkartean (Gordoniz Kalea, 1 Bajo).

Ø      Baldintzak

o       Gaia: “Giza Eskubideak”

o       Pertsona bakoitzak lan bakarra aurkeztu ahal izango du

o       Lana Din-A4 tamainako folio batean egin beharko da.

o       Lana kartulina batean itsatsita joan beharko da, honda ez dadin.

o    Atzeko aldean egilearen izena eta abizenak, helbidea, jaiotze-data, telefonoa, ikastetxea eta maila agertu behar dira.

o    Teknika librea da: Nahi duzun moduan egin dezakezu marrazkia, zerak, akuarelak, ikatz-ziria, eta abar erabil ditzakezu; esaldiak eta hitzak izan daitezke.

o     Etxean, eskolan edo GOAZEN BA! Elkartean galdetu dezakezu laguntza eman diezazuten. Gainera, GOAZEN BA! Elkarteak baditu irudi, argazki eta informazio asko ideiak hartzeko.

Ø      Lehiaketaren mailak

o       1. maila: Haur hezkuntzako ikasleak

o       2. maila: Lehen hezkuntzako aurreneko zikloko ikasleak (1. eta 2. mailak)

o       3. maila: Lehen hezkuntzako bigarren zikloko ikasleak (3. eta 4. mailak)

o       4. maila: Lehen hezkuntzako hirugarren zikloko ikasleak (5. eta 6. mailak)

Ø      Sariak

o       1. maila: 30 euro eskola-materiala erosteko txartelean eta diploma

o       2. maila: 40 euro eskola-materiala erosteko txartelean eta diploma

o       3. maila: 50 euro eskola-materiala erosteko txartelean eta diploma

o       4. maila: 60 euro eskola-materiala erosteko txartelean eta diploma

Ø      Irabazleen izenen zabalkuntza eta sari banaketa

o    Irabazleen izenak ekainaren 19an GOAZEN BA! Elkartean irakurgai izango dira. Sari banaketa ekainaren 23an izango da.

Ø      Lan guztien erakusketa

o       Ekainaren 19tik 23ra arte, GOAZEN BA! Elkartean.

Ø      Lanen eskubideak eta bueltatzea

o     Saritutako lanak elkartearentzat izango dira, eta aurrerantzean argitaratu ahal izango ditu, beti egilearen izena azalduz eta etekin ekonomikorik atera gabe. Gainontzeko lanak, behin erakusketa bukatuta, itzuli egingo dira. 

Ø      Oharrak

o       GOAZEN BA! Elkarteko arduradunek, oinarri hauetan edozein aldaketa egiteko aukera izango dute, beti ere aldez aurretik abisaturik.

o       Lehiaketan parte hartzeak arau hauek aldez aurretik onartzea eskatzen du. 

Lehiaketa hau ezagutzera emateko, ikastetxeetara dokumentu bat bidaliko dugu. Bertan, gure elkartearen inguruko informazioa eta lehiaketaren oinarriak azalduko ditugu. Irakasleei informazio hau beraien ikasleei transmititzeko eskatuko diegu. Gainera, antolatu dugun antzerkia aprobetxatuko dugu lehiaketaren berri emateko. 

Ø  ARGAZKI LEHIAKETA

Haurrentzako antolatutako marrazki lehiaketarekin batera, argazki lehiaketa ere prestatu dugu. Ondorengoak dira finkatu ditugun oinarriak:

Ø      Lanak aurkezteko epea

o       Ekainaren 15a, 17:00ak arte GOAZEN BA! Elkartean (Gordoniz Kalea, 1 Bajo).

Ø      Baldintzak

o       Gaia: “Giza Eskubideak”

o       Partaidetza: Nahi duen edozein argazkizalek har dezake parte.

o       Partaide bakoitzak gehienez 4 argazki aurkez ditzake.

o       Modalitatea: Edozein teknika onartzen da. Paperean eta muntatu gabe, hori bai.

o       Formatua: Gutxieneko zabalera 15cm.koa izango da; eta gehienezko luzera 40cm.koa.

o   Identifikazioa: Argazkiaren atzeko aldean honen izenburua, egilearen datuak, telefonoa eta posta elektronikoa azaldu behar dira.

o       Partaide bakoitzak sari bakarra eskuratzeko aukera izango du.

Ø      Sariak

o       Lehen saria: 200 euro eta garaikurra

o       Bigarren saria: 100 euro eta garaikurra

o       Hirugarren saria: 50 euro eta garaikurra

o       Gazte saria (18 urte arte): 50 euro eta garaikurra

Ø      Irabazleen izenen zabalkuntza eta sari banaketa

o    Irabazleen izenak ekainaren 19an GOAZEN BA! Elkartean irakurgai izango dira. Sari banaketa ekainaren 23an izango da.

Ø      Lanen erakusketa

o   Saritutako argazkiekin eta aurkeztutako beste zenbaitekin erakusketa egingo da; ekainaren 19tik 23ra arte, GOAZEN BA! Elkartean.

Ø      Lanen eskubideak eta bueltatzea

o    Saritutako lanak elkartearentzat izango dira, eta aurrerantzean argitaratu ahal izango ditu, beti egilearen izena azalduz eta etekin ekonomikorik atera gabe. Gainontzeko lanak, behin erakusketa bukatuta, itzuli egingo dira. 

Ø      Oharrak

o       GOAZEN BA! Elkarteko arduradunek, oinarri hauetan edozein aldaketa egiteko aukera izango dute, beti ere aldez aurretik abisaturik.

o       Lehiaketan parte hartzeak arau hauek aldez aurretik onartzea eskatzen du.

Argazki lehiaketaren berri emateko, Bilbo eta inguruko herritako interes guneetan kartel informatiboak jarriko ditugu. 

Ø  BILBOKO AZOKAN PRESENTZIA

Hiru hilabetean behin egin nahi dugun ekitaldia da hau. Herriko azokak herrietako merkataritza gune estrategiko garrantzitsuak dira. Hauetan, jende multzo handia biltzen da, bertako zein inguruko herri txikietako jendea biltzen baita. Azoka hauek astean behin egin ohi dira. 

Gure elkarteak, igandero Bilboko Plaza Berrian antolatzen den azokan parte hartuko du. Leku hau oso aproposa dela pentsatzen dugu; hiriaren erdigunean dago, joateko garraio publikoa dago, inguruan kafetegi ugari daude… Esan bezala, ekitaldi hau hiru hilabetean behin egingo dugu, konkretuki, otsaila, maiatza, iraila (abuztuko oporretan jende gutxiago dago) eta azaroko lehenengo igandean.  

Ekitaldia elkartearen inguruko karpa informatibo batean datza. Honetan, jendeak GOAZEN BA! Elkartearen gaineko informazio guztia eskura izango du. Informazioaz aparte, erakundearen barruan egiten diren ekintzen irudi eta bideoak ikusgai izango dituzte. Modu honetan, gure elkarteari buruzko informazio osatu eta errealagoa izango dute.

Kasu honetan ere, udaletxeekin kontaktuan jarriko gara gure proiektuaren berri  emateko eta hau aurrera eramateko behar dugun baimena lortzeko.

Bilboko biztanleria gure publikoa izango da. Gainera, azoka honetara inguruko herrialdeetako pertsonak ere joaten dira.

Ø  BILBOKO JAIAK

GOAZEN BA! Elkarteak Bilboko jaiak ospatzen ditu. Hauetan, bazkideak, erabiltzaileak, bolondresak… batzen dira herriko jaiez gozatzeko asmoz.

Aurten eta jaietan biltzen den jende andana aprobetxatuz, aipaturiko hiriaren Arenal pasealekuan karpa bat altxatuko dugu jaietako egun batean. Bilboko jaiak abuztuan ospatzen dira (ez dago data finkorik). Bertan, jendeak elkartearen inguruko informazioa eskuragai izango du triptiko desberdinen bidez.

Honetaz gain, gugana etortzen den jendeari pintxoak eskainiko dizkiogu, dastatu ditzaten. Gainera, jaietako zapiak banatuko ditugu GOAZEN BA! Elkartearen anagramarekin. 

Gure elkartearen ordezkaria izango den aditu batek informazioa emango du. Gainera, erabiltzaileak, bazkideak eta bolondresak ere egongo dira, ekintzari gertutasuna eta gardentasuna emateko asmoz.  

Ekitaldi hau aurrera eramateko, Bilboko udaletxearekin harremanetan jarriko gara hiru aspektu direla eta. Alde batetik, ekintza burutzeko egunik aproposena zein den jakiteko. Bestetik, karpa jartzeko baimena eskatzeko. Azkenik, jaietako programazio ofizialean presente egoteko. Modu honetan, programazioan agertzea lortzen baldin badugu, ez dugu kartelak jartzeko beharra izango.

Beraz, ekintza Bilbon gauzatuko da eta hiri horretako  biztanleria erakarri egingo dugu. Honekin batera, jai honetan inguruko herrietako zein probintzietako pertsonak ere espero ditugu. 

Ø  ZINE EMANALDIAK

Gure elkarteak Bilboko Alhóndegiarekin hitzarmen bat dauka. Hori dela eta, bertan zine emanaldiak egiteko aukera daukagu. Eskainiko ditugun filma hauek Giza Eskubideen Aldarrikapen Unibertsalaren 30 artikuluekin estuki lotuta daude. Pelikula bakoitza ikusi ondoren, solasaldi bat egingo da filmaren inguruan. Bertan, giza eskubideei buruz adituak diren pertsonak egongo dira eta hauek hizketa bideratuko dutenak izango dira. Hala ere, solasaldi honetan edonork parte hartzeko aukera izango du.

Emanaldi hauek irailaren lehenengo asteartean, hilak 4, hasiko dira. Pelikula hauek asteartero ikusteko posibilitatea egongo da eta norbaitek, filma bere kabuz ikusi nahi badu, etxera eramateko aukera izango du, betiere kontrol batekin.

Aurrera eramango dugun ekintza hau gizartean ezaguna egiteko, kartel informatiboak jarriko ditugu. Hauek, Bilboko kaleetatik jartzeaz aparte, Alhóndegian ere ipiniko ditugu.

Hurrengo hauek izango dira proiektatuko diren filmak:

1.     Artikulua: Europa, Europa (1990)

2.     Artikulua: American History X (1998)

3.     Artikulua: Las tortugas también vuelan (2004)

4.     Artikulua: Espartaco (1960)

5.     Artikulua: Te doy mis ojos (2003)

6.     Artikulua: El Show de Truman (1998)

7.     Artikulua:  Grita Libertad (1987)

8.     Artikulua: Erin Brockovich (2000)

9.     Artikulua: Desaparecido (1982)

10. Artikulua: Las trece rosas (2007)

11. Artikulua: En el nombre del padre (1993)

12. Artikulua: La vida de los otros (2006)

13. Artikulua: Welcome (2010)

14. Artikulua: The Visitor (2007)

15. Artikulua: La terminal (2004)

16. Artikulua: Agua (2005)

17. Artikulua: La toma (2004)

18. Artikulua: La vida es bella (1997)

19. Artikulua: Ágora (2009)

20. Artikulua: Norma Rae (1979)

21. Artikulua: La ley de Herodes (1999)

22. Artikulua: Sicko (2007)

23. Artikulua: La cuadrilla (2001)

24. Artikulua: Tiempos modernos (1936)

25. Artikulua: Habana Blues (2005)

26. Artikulua: La lengua de las mariposas (1999)

27. Artikulua: El jardinero fiel (2005)

28. Artikulua: Teléfono rojo: volamos hacia Moscú (1963)

29. Artikulua: Cadena de favores (2000)

30. Artikulua: Danton (1982)  

Ø  GIZA ESKUBIDEEN NAZIOARTEKO EGUNAREN OSPAKIZUNA

Urtero, abenduaren 10ean, Giza Eskubideen Nazioarteko Eguna ospatzen da. Hori dela eta, egun hau ospatzeko, ekintza bereziak egitea erabaki dugu. Abenduak 10 astelehena denez, ekintza hau aurreko igandean egingo dugu, hau da, abenduaren 9an.

Ekintza honen helburuak, egun hau dela medio, giza eskubideen inguruan egiten diren urraketak eta gure elkartea ezagutaraztea izango dira.  

Ekitaldiaren bidez oihartzun gehiago lortzeko eta jende gehiago erakartzeko, Bilbon egitea erabaki dugu. Zehazki, Doña Casilda parkean. Parke hau leku ideala da, zabala eta berdea baita. Gauzak horrela, ospakizuna goizeko 10etan hasiko da eta arratsaldeko 6etan amaituko da.

Ekintza honen berri emateko, GOAZEN BA! Elkartean parte hartzen duten barne publiko guztiei eskutitza bidali egingo zaie. Era berean, instituzioei  ere gutun bat bidaliko zaie. Elkartetik kanpo dagoen beste jendeari gure ekintzaren berri emateko, Bilbon eta bere inguruko herritan kartel informatiboak jarriko ditugu. Modu honetan, gizarte osoari gonbitea egingo diogu, pertsona guztiei elkartea ezagutzera emanez.

Ekintza honek honelako antolamendua izango du:

Ekitaldiari hasiera emateko, goizeko 10etan, txistulariak eta dantzariak egongo dira. Honen bidez, egunari hasiera ona emateaz aparte, giro egokia ere sortuko dugu.  

Sarreran, bai GOAZEN BA! Elkartearen bai giza eskubideen inguruko informazio gune bat egongo da. Bertan, idatzizko foiletoak eta galderak zuzenean erantzungo dituen aditu bat egongo da. Egunean zehar jendeak bonoak eskuragai izango ditu. Bono hauek 3€ balioko dute eta pintxo, salda edo txokolatea eta opari batean datza. Honetaz aparte, haurrentzako jolasak ere egongo dira, hala nola, puzgarriak, puxikak, giza eskubideen inguruko tailerrak eta pailazoak egongo dira.

Gainera, arratsaldeko 5etan, giza eskubideen inguruko solasaldi bat egongo da. Bertan, gaian adituak diren pertsonak egongo dira eta edonork parte hartzeko aukera izango du. Bi ordu geroago, arratsaldeko 7etan, ekitaldiari amaiera emango zaio. Horretarako, bi bertsolari famatuek bertso batzuk botako dituzte. 

Ekintza honen atzean erakundea dagoela ez ahazteko, GOAZEN BA! Elkartearen  anagrama leku guztietan irudikatuta egongo da: karpan, puxiketan… 

Aurretik esan dugun bezala, ekintza hau Bilbon ospatuko dugu. Bilbotarrak erakartzeaz aparte, beste herrietan ekintzaren inguruko kartel informatiboak jarriko ditugunez, herri hauetako jendea ere biltzea aurreikusten dugu. Modu honetan, ekintza honen publikoa Bizkaiko biztanleria izango da.

Nazioarteko egun honetan burutuko dugun ospakizunak oihartzun handiagoa izateko, komunikabideak gonbidatuko ditugu. Hauen bitartez,  publicity-a lortuko dugu, hau da, ekintza hau berri bilakatzea lortuko dugu. Komunikabide hauek Antena 3, Prisa, Nervión, EITB, Vocento eta Correo taldekoak dira.

Ø  SANTO TOMÁS EGUNA

Urtero, abenduaren 21ean, Bilbon Santo Tomás eguna ospatzen da. Egun honetan, jende asko eta asko Arenal pasealekuaren inguruan biltzen da. Bertan, salmenta-postu ugari daude eta bertara Bilboko zein inguruko herri eta probintzietako jendea hurbiltzen da.

Hori dela eta, egun hau gure elkartea eta bertan egiten dugun lana gizartean ezagutarazteko aproposa dela uste dugu. Modu honetan, Arenal pasealekuan bertan karpa bat jartzea aurreikusten dugu. Karpa honetan, gure erakundearen inguruko informazioa, haurrentzako jolasak eta pintxoak eta freskagarriak egongo dira. Ekitaldiak egun osoa iraungo du, aipatutako salmenta-postuen ordutegia izango baitu.

Egingo ditugun beste ekintza batzuekin gertatzen den bezala, kasu honetan ere Bilboko udaletxearekin harremanetan jarriko gara, beharrezkoak diren baimenak lortzeko asmoz. 

Ø  ENTITATE INSTITUZIONALAK ETA ENPRESAK

Entitate instituzionalak eta enpresak ere gure filosofiaz jabetzea eta gurekin bat etortzea nahi dugu. Horretarako, GOAZEN BA! Elkarteak antolatzen dituen ekintzetara gonbidatuko diegu.

Entitate instituzionalen eta enpresen bereganatze ekintzan, hauetako buruak edo arduradunak kontuan hartzen ditugu. Hauek gonbidapen baten bitartez hunkitu eta beraien presentzia izatea nahi dugu. Honetaz gain, hauekin harremanak lotu eta estutu nahi ditugu, gure elkarteko “lagunak” bilakatu arte.

Gainera, gure ekintzez eta oro har elkartearen kanpo zein barne informazio guztiaz informatuko zaie. Hau gauzatuko dugu, hilean behin bidaliko dugun txosten batean. Honekin, gutaz ez ahaztea eta ahal den neurrian, gure elkartean laguntzea lortu nahi dugu.

Alde batetik, BBK eta Caja Laboralari eta beste alde batetik, Bilboko udaletxe eta Bizkaiko Foru Aldundiari gonbitea bidaliko diegu. Horretarako, ekintza egin baino hilabete bat lehenago eskutitz eta e-mail bat bidaliko diegu. Gainera, aste bat lehenago, oroigarri bat bidaliko zaie e-mail bidez.

Modu honetan, beraien presentzia ziurtatuko dugu eta hobeto antolatu ahal izango dugu guztia. Gauzak horrela, batetik hauen presentzia ekintzari garrantzia emango dio eta bestetik, publicity-a lor dezakegu. Gainera, instituzio eta enpresa hauekin ditugun harremanak estutuko ditugu.