NORTZUK GARA?

MISIOA         

Giza eskubideen aldeko elkartea, GOAZEN BA! Elkartea, onura publikotzat deklaratutako irabazi asmorik gabeko elkartea da, eta bere jardun eremua Bizkaia da.

GOAZEN BA! Elkartea 2010ean sortu zen. Gaur egun, 701 pertsonek osatzen dute. Horiek giza eskubideen defentsan lan egiten dute eta horretarako, informazioa eta orientazioa eskaintzen dute, guztion eskubideak bermatzeko  xedearekin. Beraz, GOAZEN BA! Elkartearen egitekoa giza eskubideak guztion artean betetzea da. Gure elkarteak dituen helburuak hauek dira: gizarteak giza eskubideak ezagutzea, hauetaz kontzientziatzea eta eraginkor bihurtzea. 

Gizarteari eskaintzen diogun laguntzaren bidez elkartasuna eta elkarri laguntzea sustatzen dugu, gure elkartera etortzen diren pertsonei egiten diegun harreraren eta eskaintzen zaien informazioaren, orientabidearen eta prestakuntzaren bitartez.

Eskaintzen ditugun zerbitzuak kalitatezkoak izateaz arduratzen gara, behar duenari beharrezko laguntzak eskainiz. Gainera, pertsona orok bizitzako maila guztietan (hezkuntza, lana, etxebizitza, aisia...) aukera berdinak izateko daukan eskubidea aldarrikatzen dugu.

Gizartea kontzientziatu nahi dugu. Gure ingurune hurbilena eta, orokorrean, gizarte osoa sentsibilizatzeko informazioa erabiltzen dugu. Horrela, munduko pertsona askok bizi duten errealitatea plazaratzen dugu.

Honetaz aparte, elkarte mugimendu bezala daukagun filosofiaren oinarriak hauek dira:

Ø      Elkartasuna

GOAZEN BA! Elkartea osatzen dugun pertsonok elkarrekin lan egiten dugu, talde osoarentzako irtenbideak emateko. Aldi berean, giza eskubideen arloan eta beste gizarte-sektore batzuetan diharduten beste talde batzuekin batera ari gara lanean.

Ø      Justizia

Eskatzen duguna ez da arbitrarioa, ezpada aukera-berdintasunerako printzipioan oinarritutako planteamenduak dira. 

Ø      Kalitatea eta Gardentasuna

Kudeaketaren kalitatearen eta gardentasunaren aldeko konpromiso etikoa ezarri dugu, etengabe hobetzeko eta portaeran zintzotasuna dakarten politiken bitartez. Gizarte-erakunde kualifikatua gara. Era honetan, gizarte portaera berriak sustatu, teknika berriak bultzatu eta gizartearen garapenari laguntzeko gai gara.

Ø      Ingurunearekiko elkarreragina

GOAZEN BA! Elkartea beste pertsona, talde edo erakunde batzuekin lankidetzan aritzeko irekita dagoen erakundea da.

Ø      Unibertsaltasuna

Giza eskubideen urraketa pairatzen duten pertsona guztien egoerak kezkatzen gaitu, ez soilik gure elkartea osatzen duten erabiltzaileenak.

Ø      Elkar laguntza

Autolaguntzarako taldea gara, eta taldeari eusten dion oinarrietako bat kideen arteko laguntza da.

Ø      Parte-hartzea

Ez badugu denok parte-hartzen ez dago elkarte-proiekturik. Hori dela eta, GOAZEN BA! Elkartean uste dugu gure proiektua garatzeko oinarrizko ardatza erakundea osatzen dugun pertsona guztion parte-hartzea dela.

BISIOA

Giza eskubideak pertsonari aitortzen zaizkion zenbait oinarrizko balore edo ahalmenak dira. Ukaezinezkoak dira eta edozein antolamendu juridiko, demokratiko eta pluralistak babestu, zaindu eta betearazi egin behar ditu. Norberaren estatus, sexu, joera sexuala, etnia edo herritartasuna edozeina izanda ere, ukaezinak dira eta ezin da hauen kontrako legeak ezarri.

Pertsonak, biologikoki eginkizun bat betetzeko zenbait gaitasun ditu ingurunean eta gizartean. Gaitasun horiek garatzea, hein handi batean, norbanakoa bizi den ingurunearen arabera izango da. Pertsona bat ez baita bere osotasunean garatzen ez badu ingurune kultural, sozial eta afektibo jakin bat.

GOAZEN BA! Elkartean, gure lana pertsona kalifikatzea ez dela uste dugu. Bai, aldiz, giza eskubideen urraketa pairatzen duen pertsonak bizi den ingurunean daukan funtzionamendua hobetzeko behar dituen laguntzak zehaztea eta planifikatzea.

Bazkideak eta bolondresak GOAZEN BA! Elkartean aktibo nagusia osatzen duten pertsonak dira. Hauei esker, gure elkarteak ikuspegi partekatua dauka munduari, giza eskubideen urraketak jasaten dituzten pertsonei eta horiek inguruan duten munduarekin daukaten harremanari buruz. Pertsona hauen laguntza mantendu eta ahal den heinean handitu nahi dugu, baita zerbitzuak ere.

GOAZEN BA! Elkarteak eskainitako zerbitzuak mantendu eta, ahal den heinean, hobetu nahi ditugu. Horretarako, jendearen laguntza handitu beharra dago. Beste modu batean esanda, bazkide eta boluntarioen hazkunde bat lortu nahi dugu.

Guztion artean lana eta elkar erlazioak estutu eta dauzkagun helburuak aurrera eraman eta betetzeko asmoa dugu. Garena izan nahi dugu, gure irudia gehiago sendotuz. Ahalegin hau, batez ere, Euskal Herri mailan izango da.

Gure helburuak izaera langile batekin bete nahi ditugu eta gizartearenganako eredu bat izan nahi dugu. Giza Eskubideen urraketak pairatzen dituzten pertsonen integrazioa bultzatu nahi dugu, elkartasuna bultzatuz azken finean.

ESTRUKTURA

Ø      Zerbitzuak

GOAZEN BA! Elkarteak eskainitako zerbitzuek, pertsonen bizitzako alde guztiak barne hartzen dituzte. Modu honetan, giza eskubideen urraketak pairatzen dituzten pertsonei eta haien familiei eskainitako atentzioetatik integrazio programak garatzeraino doaz zerbitzu hauek. Horien artean laguntzeko programak, kirol jarduerak eta abar daude.

Aurretik esan bezala, 2010ean jaiotako elkartea da hau. Hori dela eta, oraindik ezagutzera ematen ari gara, Bilbon daukagun egoitzaren bidez.

Egoitza honetan aurrera eramaten ditugun ekintzen helburuak anitzak dira. Alde batetik,  pertsonen gizarteratzea bultzatzea da. Hau, pertsona horien balorazio positiboaren eta beren indibidualtasuna aitortzearen bidez aurrera eramango da. Modu honetan, eta ahal den neurrian, laguntza behar duten pertsonei etxebizitza bat edo modu autonomoan bizitzeko laguntzak emango zaizkie.

Beste alde batetik, aisialdia edozein pertsonaren bizitzan funtsezkoa dela aintzat hartuz, gure elkarteak aisialdi zerbitzua eskaintzen du. Gure aisialdi zerbitzuaren printzipioak argiak dira; normalizazioa, gizarteratzea eta orientabidea. Honen bidez, pertsona horien gogobetetzea eta bizi kalitatea hobetzen saiatuko gara. Honekin batera,  ondorengo hau bilatzen dugu: urraketei aurre egitea, ongizatea ematea, pertsonen arteko harremanak bultzatzea, pertsonen gaitasunak bultzatzea, norbanako guztien garapen pertsonalerako zein sozialerako laguntza.

Ø      Estatutuak

Estatutuetan elkartearen izen ofiziala, eremua, egoitza, helburuak eta bitartekoak barne hartzen dira.

Bazkideen eskubide eta betebeharrak ere hartzen ditu bere baitan. Era berean, elkarteko gobernu organoei buruzko legedia edo arauak ere islatzen dira. Azken finean, ondo arautu eta egituratutako legedia da, non ekintza eta ekimen guztiak lege baten menpean doazen.

HELBURUAK

Gure komunikazio  helburua  elkarteak iritzi publikoan duen presentzia areagotzea da. GOAZEN BA! Elkartearen irudia sustatuz, Bizkaiko esparru geografikoan giza eskubideen alde lan egiten duen elkarte bezala.

Horretarako, helburuen sailkapen bat egin dugu:

Ø      Giza Eskubideen gaia gizarteari helaraztea.

Ø      Arazo hau ikastetxeetan lantzea.

Ø   Giza eskubideen gaiari buruzko informazioa ez duten guztiei gure elkartea ezagutaraztea eta ahal den neurrian, gure erakundearekin konprometiaraztea.

Ø      Entitate instituzionalak gure filosofiaz jabetzea eta gurekin bat egitea.

Ø      Komunikabideekin harremanak sendotu.

Ø      Publicity-a handitzea.

Ø      Komunikabide gertuen esparruak bereganatzea (adb, irratian).

Ø      Sare sozialeetan eta blogean presentzia izatea.

PUBLIKOAK

Dauzkagun helburuekin ondorengo publikoetara heldu nahi dugu:

Ø  Hezkuntza arloa

Ø  Ikasleak

Ø  Irakasleak

Ø  Gizartea

Ø  Bizkaiko esparrua

Ø  Internautek munduko edozein tokitatik ezagut dezakete GOAZEN BA! Elkartea

Ø  Entitate instituzionalak eta enpresak

Ø  Udaletxeak

Ø  Bankuak

Ø  Enpresak

Ø  Komunikabideak

Ø  Erabiltzaile berriak      

MEZUA

            Gure lema “Aizu! Giza eskubideak eraginkor bihurtuko ditugu XXI. mende honetan?” izango da. Honekin, gizaki guztioi aitortzen zaizkigun giza eskubideak betetzea lortu nahi dugu. Beste modu batean esanda, 1948an guztioi aitorturiko giza eskubideak behin betiko betetzen saiatuko gara, guztiok berdinak baikara. 

EGOITZA

Egoitza honen helburua giza eskubideen inguruan interesa duten pertsonak biltzea da, hauek haien arteko harremanak mantendu ditzaten. Jardueren eskaintza anitza da: ludikoak, kulturalak, artistikoak eta sozialak.

Egoitza honek 124 m² ditu eta Bilboko Gordoniz kalean dago. Bertan, bilerak eta ekintzak egiteko gelak daude.